លោក Torsten Müller-Ötvös អគ្គនាយក​ប្រតិបត្តិ​នៃ​ក្រុមហ៊ុន Rolls-Royce Motor Cars បាន​ថ្លែង​ថា ​នេះ​ជា​ពេល​វេលា​ដែល​ត្រូវ​បោះ​ជំហាន​ទៅមុខ​មួយ​ជំហាន​ទៀតក្នុង​ដំណើរការ​នៃ​ការ​ផលិត​រថយន្ត​បែប​ប្រណីត។ ការ​ធ្វើតេស្ត​សាក​ល្បង​គ្រោង​តួ​រថយន្ត​ថ្មី​នេះ ជា​ដំណាក់កាល​ដំបូង​នៃ​កម្មវិធី​អភិវឌ្ឍន៍​សម្រាប់​រថយន្ត​ជំនាន់​ថ្មី Rolls-Royce ដែល​នឹង​ត្រូវ​ដាក់​លក់​នៅ​ដើម​ឆ្នាំ ២០១៨ ខាង​មុខ។

អនាគត​នៃ​រថយន្ត​ប្រណីត​ពិតៗ​កំពុង​លេច​រូប​រាង ខណៈ​ដែល​ក្រុមហ៊ុន​រថយន្ត Rolls-Royce Motor Cars បាន​ចាប់​ផ្ដើម​ធ្វើតេស្ត​សាក​ល្បង​នូវ​គំរូ​តួ​រថយន្ត​ធ្វើ​ពី​អាលុយមីញ៉ូម​ ដែល​នឹង​ត្រូវ​ដាក់​ឲ្យ​ប្រើ​ប្រាស់​សម្រាប់​រថយន្ត Rolls-Royce គ្រប់​ម៉ូដែល​ទាំង​អស់​នា​ពេល​អនាគត។

លោក Torsten Müller-Ötvös បន្ត​ថា គំរូ​តួ​រថយន្ត​សាក​ល្បង​នឹង​ត្រូវ​បាន​ធ្វើ​តេស្ត​​នៅ​តាម​ដង​ផ្លូវ​សាធារណៈ​នៅ​តាម​ទីតាំង​មួយ​ចំនួន​ក្នុង​ពិភព​លោក ។ ដំណាក់កាល​ធ្វើតេស្ត​សាក​ល្បង​ដើម្បី​ធានា​ថា គ្រោង​តួ​រថយន្ត​ប្រភេទ​ថ្មី​ពិត​ជា​អាច​ជួយ​ឲ្យ​ការ​បើក​បរ​នៅ​លើ​គ្រប់​ស្ថានភាព​ផ្លូវ អាច​ទ្រាំ​ទ្រ​នឹង​ស្ថានភាព​អាកាសធាតុ​ធ្ងន់ធ្ងរ​បាន។

ប្រភព៖ rolls-roycemotorcars.com